काठमाडौं । महालक्ष्मी विकास बैंकले २७ औं वार्षिक उत्सवको सप्ताहव्यापी कार्यक्रमको अवसरमा वैभब बचत खाता सञ्चालनमा ल्याएको छ । बैंकले वार्षिक ५ दशमलव ५० प्रतिशत ब्याजदरमा उक्त बचत खाता संचालनमा ल्याएको जनाएको छ ।
यस खातामा मोवाइल बैंकिङ्ग, इन्टरनेट बैंकिङ्ग, डिम्याट र मेरो शेयर जस्ता आवश्यक सुविधाहरुमा प्रथम वर्षको लागि शत् प्रतिशत छुट प्रदान गरिएको बैंकले जनाएको छ ।
त्यस्तै उक्त खातामा लकर सुविधामा ५० प्रतिशत छुट दिनुका साथै कनेक्ट आइपिएसको सुविधा समेत रहेको बैंकले जनाएको छ ।
कुनै पनि शाखा कार्यालयमा उपस्थित नभई आफू रहेको स्थानबाट नै नजिकैको शाखामा अनलाइन मार्फत ग्राहकहरुले सजिलै यस खाता खोल्न सक्नेछन् ।
