काठमाडौं । एनएमबि बैंकले डेढ अर्ब रुपैयाँ बराबरको ऋणपत्र आजदेखि निष्काशन तथा बिक्री खुल्ला गरेको छ । बैंकले प्रतिइकाई १ हजार रुपैयाँको दरमा १ अर्ब ५० करोड रुपैयाँ बराबरको १५ लाख इकाई ऋणपत्र निष्काशन गरेको हो ।
बैंकले निष्काशन गरेको ऋणपत्रमध्ये ९ लाख इकाई बैंकले आफ्नै पहलमा अन्य संघसंस्थालाई बिक्री गर्नेछ भने बाँकी ६ लाख इकाई सर्वसाधारणका लागि बिक्री गर्ने क्यापिटलले जनाएको छ ।
बैंकले १५ वर्ष अवधिको ‘एनएमबि उर्जा ऋणपत्र ४ प्रतिशत – २०९२–९३’ जारी ऋणपत्र गर्न लागेको हो । यसमा वार्षिक ४ प्रतिशत ब्याजदर रहने बिक्री प्रबन्धक खहिमालयन क्यापिटलले जनाएको छ ।
उक्त ऋणपत्रमा लगानीकर्ताले जेठ ९ गतेदेखि छिटोमा जेठ १२ गते र जेठ २२ गतेसम्म आवेदन दिन पाउनेछन् । उक्त ऋणपत्रमा लगानीकर्ताले न्यूनतम २५ इकाईदेखि अधिकतम ८ लाख इकाईसम्म आवेदन दिन सक्नेछन् ।
उक्त ऋणपत्रमा लगानीकर्ताले सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट पनि आवेदन दिन पाउनेछन् ।
