काठमाडौं । जनउत्थान सामुदायिक लघुवित्तले तेस्रो त्रैमासको वित्तिय विवरण सार्वजनिक गरेको छ। यस त्रैमासको अवधिसम्ममा कम्पनीको मुनाफा ९३ प्रतिशतले वृद्धि भएको छ ।गत आवको तेस्रो त्रैमासमा १ करोड ८२ लाख रुपैयाँ मुनाफा कमाएको उक्त कम्पनीले चालू आवको सोही अवधिमा वृद्धि गरेर ३ करोड ५१ लाख रुपैयाँ रहेको छ ।
चालू आवको तेस्रो त्रैमासमा खुद ब्याज आम्दानी,सञ्चालन मुनाफा २ करोड ६८ लाख खराब कर्जा उठाएकाले पनि कम्पनीको नाफामा वृद्धि भएको हो । गत आवको तेस्रो त्रैमासको तुलनामा चालू आवको सोही अवधिमा खुद ब्याज आम्दानी ५५ प्रतिशत र सञ्चालन नाफामा १२१ प्रतिशतले वृद्धि भएको छ । चुक्तापूँजी ७ करोड ९२ लाख रुपैयाँ रहेको उक्त कम्पनीले जगेडा कोषमा १२ करोड ६७ लाख २५ हजार रुपैयाँ रकम संचित रहेको छ।
