काठमाडौं । मानुषी लघुवित्त वित्तीय संस्थाले चालु आर्थिक वर्षको वित्तीय विवरण प्रकाशन गरेको छ । संस्थाले यस अवधिमा गत आर्थिक वर्षको सोही अवधिको तुलनामा नाफामा उल्लेख्य बृद्धि भएको हो । गत आर्थिक वर्षको तेस्रो त्रैमासको तुलनामा संस्थाको नाफा १२६ प्रतिशतले वृद्धि भएको छ ।
चुक्ता पूँजी ७ करोड रहेको उक्त कम्पनीले जगेडा कोषमा ३ करोड ४२ लाख ८२ हजार रुपैयाँ सञ्चित गरेको छ ।
गत आवको तेस्रो त्रैमासमा ५२ लाख ७९ हजार रुपैयाँ नाफा कमाएको उक्त कम्पनीले चालू आवको सोही अवधिमा वृद्धि गरेर १ करोड १९ लाख ६४ हजार रुपैयाँ नाफा कमाएको हो ।
कम्पनीले चालू आर्थिक वर्षको तेस्रो त्रैमासमा १ अर्ब ७१ करोड २६ लाख रुपैयाँ खराब कर्जा उठाउन सफल भएकाले र खुद ब्याज आम्दानीमा वृद्धि भएकाले नाफा बढेको हो । खुद ब्याज आम्दानी गत आवको तेस्रो त्रैमासको तुलनामा चालू आर्थिक वषको सोही अवधिमा २१ प्रतिशतले वृद्धि भएको हो ।
कम्पनीले चालू आर्थिक वर्षको तेस्रो त्रैमासमा ३७ करोड ३२ लाख रुपैयाँ सापटि लिएर ६२ करोड २२ लाख रुपैयाँ निक्षेप संकलन गरेर ९८ करोड ११ लाख ५१ हजार रुपैयाँ कर्जा लगानी गरेको हो ।
