काठमाडौं । युनियन लाइफ इन्स्योरेन्स कम्पनीले जेठ ११ गते तेस्रो वार्षिक साधारणसभा डाकेको छ । कम्पनीले साधारणसभाबाट स्वतन्त्र विज्ञ संचालकको नियुक्ति अनुमोदन गर्ने भएको छ ।
साधारणसभाले संचालक समितिले तयार पारेको आर्थिक वर्ष २०७५/७६ को वार्षिक प्रतिवेदन उपर छलफल गरी पारित गर्नेछ । आर्थिक वर्ष २०७५/७६ को लेखापरिक्षणको प्रतिवेदन वासलात तथा नाफा/नोक्सान हिसाव एवं नगद प्रवाह विवरण र तत्सम्बन्धी अनुसूचिहरु तथा नेपाल वित्तीय प्रतिवेदनमान बमोजिम तयार गरिएको वित्तीय विवरण माथि छलफल गरी पारित गरिने भएको छ ।
हाल बाहलवाला लेखापरिक्षक एलएसपी एसोसिएट्स चार्टर्ड एकाउन्टेण्टस् लाई नै पुनः नियुक्त गर्ने छ । कम्पनी ऐनको दफा १०५ को १ (ग) बमोजिम आर्थिक वर्ष २०७५/७६ मा भएको खर्चको अनुमोदन गर्ने विशेष प्रस्ताव रहेको छ ।
कोभिड १९ को प्रभावका कारण वार्षिक साधारणसभामा उपस्थित हुने शेयरधनीहरुले स्वास्थ्य सुरक्षा मापदण्ड अपनाई आधिकारिक परिचयपत्रका साथमा लिई आउन कम्पनीले अनुरोध गरेको छ।
