काठमाडौं । एनएमबि लघुवित्त वित्तीय संस्थाले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । उक्त विवरण अनुसार संस्थाले उत्साहजनक प्रगति गरेको छ ।
हाल संस्थाको चुक्ता पूँजी ५३ करोड ९८ लाख रुपैयाँ रहेको छ भने जगेडा कोषमा २९ करोड ३३ लाख ३७ हजार रुपैयाँ संचिती रहेको छ ।
चालु आर्थिक वर्षको तेस्रो त्रैमाससम्म आइपुग्दा संस्थाले १२ करोड ६५ लाख ९७ हजार रुपैयाँ खुद नाफा आर्जन गरेको छ । गत आर्थिक वर्षको सोहि अवधिको तुलनामा संस्थाको नाफा १७५ दशमलव ३७ प्रतिशतले बढी हो । गत आर्थिक वर्ष संस्थाले ४ करोड ५९ लाख ७४ हजार खुद नाफा आर्जन गरेको थियो ।
यस अवधिसम्म संस्थाको खुद ब्याज आम्दानी ३३ करोड ९९ लाख १७ हजार पुगेको छ यो गत वर्षको सोहि अवधिको तुलनामा संस्थाको खुद ब्याज आम्दानी ९२ दशमलव २२ प्रतिशतले धेरै हो । गत वर्षको सोही अवधिमा संस्थाको खुद ब्याज आम्दानी १७ करोड ६८ लाख ३७ हजार सीमित थियो ।
यस्तै, सञ्चालन नाफा १ करोड ४९ लाख ७१ हजार रुपैयाँबाट बढेर २० करोड ३ लाख ५ हजार रुपैयाँ पुगेको छ ।
यस अवधिसम्म संस्थाको प्रतिशेयर आम्दानी आम्दानी ३१ रुपैयाँ २७ पैसा रहेको छ । प्रतिसेयर नेटवर्थ १५४ रुपैयाँ ३४ पैसा रहेको छ ।
