काठमाडौँ । अरुण काबेली पावर कम्पनी लिमिटेडले चालु आर्थिक वर्ष २०७७/७८ को तेस्रो त्रैमासको वित्तीय विवरण सार्वजनिक गरेको छ । कम्पनीले प्रकाशन गरेको वित्तीय वित्तीय विवरण अनुसार अधिकांश सूचक सकरात्मक देखिएको छ ।
कम्पनीको चुक्ता पूँजी १ अर्ब ५८ करोड ५६ लाख ५० हजार रुपैयाँ रहेको छ । जगेडा कोषमा २० करोड ५७ लाख ६० हजार रूपैयाँ संचिती रहेको छ ।
तेस्रो त्रैमाससम्म आइपुग्दा कम्पनीले २० करोड ३२ लाख ९३ हजार रुपैयाँ खुद नाफा आर्जन गर्न सफल भएको छ । गत आर्थिक वर्षको सोही अवधिको तुलनामा कम्पनीको नाफा ३४८ दशमलव १५ प्रतिशतले धेरै हो । गत आर्थिक वर्षको सोही अवधिमा कम्पनीले ४ करोड ५३ लाख ६२ हजार रुपैयाँ खुद नाफा आर्जन गरेको थियो ।
तेस्रो त्रैमाससम्म आइपुग्दा कम्पनीले बिजुली बेचेर ५१ करोड ६९ लाख ३५ हजार रूपैयाँ आम्दानी गरेको छ । उक्त रकम गत आर्थिक वर्षको सोही अवधिको तुलनामा १३४ दशमलव ८४ प्रतिशतले धेरै हो । गत आर्थिक वर्षको सोही अवधिसम्ममा कम्पनीले बिजुली बेचेर २२ करोड १ लाख १७ हजार रुपैयाँ आम्दानी गरेको थियो ।
कम्पनीको प्रतिशेयर आम्दानी १७ रुपैयाँ ०९ पैसा पुगेको छ । कम्पनीको प्रतिशेयर नेटवर्थ पनि ११२ रुपैयाँ ९८ पैसा रहेको छ ।
