काठमाडौं । सिन्धु विकास बैंकले चालु आर्थिक वर्षको तेस्रो त्रैमासको वित्तीय विवरण प्रकाशन गरेको छ । बै.कले यस अवधिसम्ममा ८० प्रतिशतले नाफा बढाउन सफल भएको छ । गत आर्थिक वर्षको तेस्रो त्रैमासम्ममा १ करोड ९७ लाख रुपैयाँ खुद नाफा कमाएको बैंकले चालु आर्थिक वर्षको सोहि अवधिसम्ममा ३ करोड ५६ लाख रुपैयाँ खुद नाफा कमाएको । जुन गत आर्थिक वर्षको सोही अवधिको तुलनामा ८० दशमलव ९८ प्रतिशतले नाफा बढी हो ।
यस अवधिसम्ममा बैंकको वितरणयोग्य नाफा ४ करोड १५ लाख रुपैयाँ रहेको छ । गत आर्थिक वर्षको सोही अवधिमा १ करोड ३८ लाख रुपैयाँ रहेको थियो ।
यस अवधिमा बैंकको खुद ब्याज आम्दानी ५ प्रतिशतले बढेर १० करोड ९९ लाख रुपैयाँ पुगेको छ । सञ्चालन नाफा ८० दशमलव ९७ प्रतिशतले बढेको छ। बैंकको प्रतिशेयर आम्दानी पनि ४ रुपैयाँबाट बढेर ८ रुपैयाँ पुगेको छ। बैंकको प्रतिशेयर नेटवर्थ ११६ रुपैयाँ रहको छ।
