काठमाडौं । इन्फिनिटी लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । तेस्रो त्रैमाससम्ममा १० करोड ४७ लाख २७ हजार रुपैयाँ खुद नाफा आर्जन गर्न सफल भएको छ । गत वर्षको यसै अवधिको तुलनामा संस्थाको नाफा १८६ दशमलव २९ प्रतिशतले बढी हो । गत वर्षको सोही अवधिमा संस्थाले ३ करोड ६५ लाख ८० हजार रुपैयाँ नाफा कमाएको थियो ।
हालसम्म चुक्ता पुँजी २६ करोड ६ लाख ५० हजार रुपैयाँ र जगेडा कोषमा १४ करोड ६४ लाख २१ हजार रुपैयाँ छ ।
यस त्रैमाससम्म आइपुग्दा संस्थाको खुद ब्याज आम्दानी ८६ दशमलव १५ प्रतिशतले बढेर १९ करोड २८ लाख १३ हजार रुपैयाँ पुगेको छ । गत वर्षको यसैअवधिमा संस्थाले १० करोड ३५ लाख ७८ हजार रुपैयाँ खुद ब्याज आम्दानी गरेको थियो ।
संस्थाको सञ्चालन मुनाफा १५ करोड २८ लाख ४६ हजार रुपैयाँ पुगेको छ । गत वर्षको तुलनामा संस्थाको संचालन मुनाफा १६३ दशमलव २४ प्रतिशतले धेरै हो । गत वर्षको सोहिअवधिमा संस्थाको सञ्चालन मुनाफा ५ करोड ८० लाख ६३ हजार रुपैयाँमा सीमित थियो ।
प्रतिसेयर आम्दानी वार्षिक ५३ रुपैयाँ ५७ पैसा र प्रतिसेयर नेटवर्थ १५६ रुपैयाँ १८ पैसा छ ।
