काठमाडौं । आजबाट ग्लोबल आइएमई लघुवित्त र स्पर्स लघुवित्त वित्तीय संस्थाको एकीकृत कारोबार शुरु भएको छ । एकिकृत कारोबारको सुभारम्भ ग्लोबल आईएमइ बैंक लिमिटेडका प्रमुख कार्यकारी अधिकृत रत्नराज बज्राचार्यले गरेका हुन् ।
ग्लोबल आइएमई लघुवित्तले स्पर्स लघुवित्तलाई प्राप्ति गरे पछि ग्लोबल आइएमई लघुवित्त वित्तीय संस्थाको नामबाट एकीकृत कारोबार शुरु भएको हो ।
दुबै कम्पनीको पुस २९ गते सम्पन्न छुट्टाछुट्टै वार्षिक साधारण सभाले मर्जर सम्बन्धी प्रस्ताव पारित गरेको थियो । प्राप्ति पश्चात उक्त कम्पनीको रजिष्टर्ड कार्यालय पोखरा उपमहानगरपालिका, वार्ड नम्बर २६, विजयपुर, कास्कीमा रहने जानकारी दिइएको छ ।
एकीकृत कारोबारका लागि नेपाल राष्ट्र बैंकले चैत १० गते र कम्पनी रजिष्ट्रारको कार्यालयले चैत २७ गते अन्तिम स्वीकृति दिएको हो ।
