काठमाडौं । महालक्ष्मी विकास बैंकको १९ औं वार्षिक साधारण सभा सम्पन्न भएको छ । सभा रजिष्टर्ड कार्यालय दरबारमार्ग, काठमाडौंमा सम्पन्न भएको हो ।
सभाले ८ दशमलव ८० प्रतिशत बोनश शेयर र शून्य दशमलव ४६ प्रतिशत नगद लाभांश कर प्रयोजनको लागि गरेर कुल ९ दशमलव ६ प्रतिशत लाभांश वितरण गर्ने प्रस्ताव पारित गरेको हो ।
त्यस्तै, सभामा कम्पनीको शेयर स्वामित्व परिवर्तन गरी संस्थापक समूहको ५१ प्रतिशत र सर्वसाधारण समूहको ४९ प्रतिशत कायम गर्ने, सहायक कम्पनी स्थापना गरी विभिन्न थप सेवा प्रवाह गर्न सक्ने गरी नियमावलीमा संशोधन गर्ने प्रस्ताव समेत पारित भएको छ ।
हाल कम्पनीको चुक्तापूँजी ३ अर्ब ७ करोड २० लाख रहेको छ । उक्त बोनस शेयर वितरण पछि कम्पनीको पूँजी ३ अर्ब ३४ करोड २४ लाख पुगेको छ ।
