काठमाडौं । ग्लोबल आइएमई बैंक र बोधिहोल्डिङ प्रा.लि.बीच सम्झौता भएको छ । सम्झौतापत्रमा बैंकका प्रमुख कार्यकारी अधिकृत रत्नराज वज्राचार्य र बोधिहोल्डिङका अध्यक्ष जलेश्वर पाण्डेले हस्ताक्षर गरे ।
बैंक बोधिहोल्डिङले निर्माण गर्ने परियोजनाको बैंकिङ साझेदारको रूपमा पनि रहने जनाइएको छ ।
सम्झौतापछि बोधिहोल्डिङले रूपन्देहीमा निर्माण गर्ने आवासीय घर निर्माण परियोजनामार्फत घरजग्गा खरिद गर्न चाहने नेपाली नागरिकलाई बैंकले सहुुलियत ब्याजदरमा कर्जा प्रवाह गर्नेछ ।
हालसम्म बैंकले हाल २ सय ७० शाखा, २४२ एटिएम, २५५ शाखारहित बैंकिङ, ४७ एक्सटेन्सन तथा राजस्व संकलन काउन्टर तथा ३ वटा वैदेशिक प्रतिनिधि कार्यालयबाट बैंकिङ सेवा प्रदान गर्दैआएको छ ।
