काठमाडौं । साताको तेस्रो कारोबारको दिन नेप्से २ दशमलव ५६ अंकले बढेर २३९१ दशमलव ७४ को विन्दुमा कायम भएको छ ।आज ट्रेडिङ, होटल ,टरिजम, फाइनान्स, उत्पादमूलक, माईक्रोफाइनान्स, जीवन बीमा र इन्भेष्टमेन्ट बाहेक अन्य सबै क्षेत्रको उपसूचक राताम्मे भएको छ।
आज २ सय १६ सय वटा कम्पनीको ९० लाख १२ हजार ८ सय ५३ कित्ता शेयर किनबेच हुँदा ३ अर्ब ३७ लाख रुपैयाँ भन्दा बढीको कारोबार भएको छ ।
आज सबैभन्दा धेरै नेपाल लाइफको १९ करोड ३८ लाख रुपैयाँको कारोबार भएको छ । त्यस्तै, अपर तामाकोशीको १८ करोड ८५ लाख रुपैयाँ बराबरको कारोबार भएको छ।
चन्द्रागिरीका लगानीकर्ताले सर्वाधिक धेरै ९ दशमलव ९८ प्रतिशतले कमाएका छन् भने जोशी हाईड्रोपावरका लगानीकर्ताले ९ दशमलव ९२ प्रतिशतले कमाएका छन् ।
राष्ट्रिय बीमा कम्पनीका संस्थापक शेयरधनीले ८ दशमलव ८१ प्रतिशतले गुमाएका छन् भने पञ्चकन्या माई हाईड्रोपावारका लगानीकर्ताले ४ दशमलव ८६ प्रतिशतका दरले गुमाएका छन्।
