काठमाडौं । ज्योति बिकास बैंकले १० प्रतिशत बोनस शेयर आफनो शेयरधनीको डिम्याट खातामा जम्मा गराएको छ ।बैंकले पुस २८ गतेसम्म शेयर डिम्याट गराएकाहरुको बोनस शेयर खातामा जम्ममा गराएको जनाएको छ । पुस २८ पछि डिम्याट गर्नेहरुको बोनस शेयर पनि खातामै जम्मा गर्ने तयारी भइरहेको बैंकले जानकारी दिएको छ ।
बैंकले हालसम्म पनि डिम्याट नगरेकाहरुले खातामा बोनस शेयर पाउनका लागि पहिला आफूसँग भएको भौतिक प्रमाणपत्र डिम्याट गराउन शेयरधनीहरुलाई आग्रह गरेको छ।
त्यसपश्चात् मात्र बोनस शेयर जम्मा गरीने बैंकले जनाएको छ । बैंकको माघ १४ गते सम्पन्न सभाले गत आर्थिक वर्षको नाफाबाट १० प्रतिशत बोनस शेयर वितरण गर्ने प्रस्ताव पारित गरेको थियो ।
