काठमाडौं । नारायणी डेभलपमेन्ट बैंक लिमिटेडले निष्काशन तथा बिक्री खुल्ला गरेको हकप्रद शेयर बाँडफाँड भएको छ । बैंकले १ः१ अर्थात एक कित्ता शेयर बराबर एकको अनुपातमा ६ करोड ५६ लाख १६ हजार ९ सय रुपैयाँ बराबरको ६ लाख ५६ हजार १ सय ६९ कित्ता हकप्रद शेयर निष्काशन गरेको थियो ।
उक्त अवधिभित्र रितपूर्वक आवेदन दिने ८३२ जना शेयरधनीहरूलाई ६ लाख ३२ हजार ४ सय ३० कित्ता सेयर बैंकको हकप्रद निष्काशनको विभिन्न दफाहरूमा व्यवस्था गरिए अनुसार फागुन १४ गते, शुक्रबार बाँडफाँड गरिएको बैंकले जनाएको छ ।
आफ्नो कायम हकभन्दा बढी शेयरका लागि दरखास्त आवेदकहरूलाई बाँडफाँडमा नपरेको हकप्रद बापतको रकम भोलि फागुन १८ गतेबाट फिर्ता दिइने समेत जनाएको छ ।
हकप्रद शेयर निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ ।