काठमाडौं। नेपाल राष्ट्र बैंकले तोकेको व्याजदर अन्तरको सीमा नघाउने बैंक तथा वित्तीय संस्थाका सञ्चालक सहित प्रमुख कार्यकारी अधिकृतलाई नै कारबाही गर्ने भएको छ। राष्ट्र बैंकले कुनै महिनामा व्याजदर अन्तरको सीमा नाघेमा सोहि त्रैमाशसम्ममा सिमाभित्र ल्याउनु पर्ने व्यवस्था गरेको छ।
बाणिज्य बैंकहरुले व्याजदर अन्तर ‘स्प्रेडदर’ ४.४ प्रतिशतमा कायम गर्नु पर्ने व्यवस्था छ। कतिपय बैंकहरुले नाफा बढाउन यस्तो अन्तर बढाउने गरेका छन्। बैंकहरुको हरेक वर्ष व्यावसायिक आधार ठुलो हुँदै गइरहेकोले यस्तो दर घटाउनु पर्ने माग उढ्दै आएको छ। तर पनि कतिपय बैंकहरुले नेपाल राष्ट्र बैंकको निर्देशन गरेको सिमा भन्दा माथि छ।
बाणिज्य बैंकले स्वीकार गर्ने स्वदेशी मुद्राको कल निक्षेपको अंश कुल स्वदेशी निक्षेप दायित्वको १० प्रतिशत विकास बैंक र फाइनान्सहरुले स्वीकार गर्ने कल निक्षेपको अंश कुल निक्षेप दायित्वको १५ प्रतिशत भन्दा बढी कायम गर्न पाउने छैनन्।
