काठमाडौं। नेपाल सरकारको तर्फबाट नेपाल राष्ट्र बैंकले ९ प्रतिशत व्याजदरमा जारी गरेको २ अर्ब रुपैयाँको ‘नागरिक बचतपत्र २०८२’ मा मागभन्दा बढि आवेदन परेपछि आजदेखि बिक्री बन्द गरिने भएको छ। राष्ट्र बैंकले माघ २७ गतेदेखि फागुन १८ गतेसम्म बिक्री खुला गरेकोमा फागुन १२ गतेसम्ममा माग भन्दा बढिको आवेदन परेपछि बिक्रि बन्द गरिने भएको हो।
नेपाल राष्ट्र ऋण ऐन २०५९ बमोजिम खुला बजार सञ्चालन समितिको निर्णय अनुसार फागुन १३ गतेदेखि बिक्रि बन्द गरिने भएको हो। ५ वर्ष अवधिका लागि ९ प्रतिशत व्याजदर पाइने भएकाले लगानीकर्ताको आकर्षण बढेको हो।
