काठमाडौ । सिभिल बैंकले आइतबार दशौं वार्षिक साधारण सभा आज भर्चुयल माध्यमबाट सम्पन्न गरेको छ ।उक्त साधारण सभाबाट संचालक समितिले प्रस्ताव गरे बमोजिम बैंकको चुक्ता पूँजीको ८ प्रतिशतका दरले हुन आउने चौसठ्ठी करोड दुई लाख रुपैयाँ बराबरको बोनश शेयर तथा कर प्रयोजनको लागि प्रतिशेयर ० दशमलव ४२ प्रतिशतका दरले हुन आउने तिन करोड छत्तीस लाख रुपैयाँ नगद नगद लाभांश सर्वसम्मतीले स्वीकृत प्रदान गरेको छ ।
साथै सभाले आर्थिक वर्ष २०७७/०७८ को लेखापरिक्षण गर्नको लागि “एन.बि.एस.एम.एण्ड एशोसियट्स”लाई लेखापरिक्षकमा पुनः नियुक्त गर्नुका साथै सिभिल बैंक र अन्य उपयुक्त बैंक तथा वित्तीय संस्थाहरु एक आपसमा गाभ्ने/गाभिन (मर्जर) वा प्राप्ति (एक्विजिसन) गर्ने/हुने वा स्वदेशी/विदेशी रणनीतिक साझेदारीमा जान आवश्यक सहमती र सम्झौता गर्ने लगायत प्रचलित नियम, कानून अनुसार बैंकको तर्फबाट गर्नुपर्ने सम्पूर्ण कार्य गर्न संचालक समितिलाई पूर्ण अख्तियारी प्रदान गर्ने निर्णय गरेको छ ।
सिभिल बैंकले आधुनिक प्रबिधियुक्त बैंकिङ्ग सेवा तथा सुबिधामा विशेष ध्यान दिंदै ग्राहकसेवालाइ निरन्तर रुपमा चुस्त दुरुस्त र सुरक्षित बनाउँदै लैजाने योजना रहेको बैंकले जनाएको छ ।
करीव पाँच लाखभन्दा बढी ग्राहकहरुलाई ११४ शाखाहरु, ६ एक्सटेन्सन काउन्टरहरु तथा ८९ एटियम सेवा प्रदान गरिरहेको सिभिल बैंकले करीव ७८ अर्व रुपैयाँभन्दा बढी निक्षेप परिचालन गरी ७२ अर्व भन्दा बढी कर्जा लगानी गरीसकेकोे छ ।
