काठमाडौं । बैंक अफ काठमाण्डूले अपांगता संरक्षण नेपाललाई १ सय ५० थान सेतो छडी हस्तान्तरण गरेको छ । संस्थागत सामाजिक उत्तरदायित्व अन्तर्गत बैंकले उक्त सहयोग गरेको हो ।
बैंक सञ्चालक प्रा.डा. हेमराज सुवेदीले उक्त सेतो छडी अपांगता संरक्षण नेपालका प्रमुख विरोध खतिवडालाई हस्तान्तरण गरे । बैंकद्वारा हस्तान्तरण गरिएको उक्त सेतो छडीले दृष्टिविहीनलाई आवतजावत र दैनिक जीवनयापन सहज बनाउन सहयोग मिल्ने विश्वास बैंकको छ ।
