काठमाडौं । मञ्जुश्री फाइनान्सले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । यस अवधिमा कम्पनीले ११ करोड ३४ लाख रुपैयाँ खुद नाफा आर्जन गरेको छ। फाइनान्सको खुद नाफा गत आर्थिक वर्षको सोही अवधिको तुलनामा दुई करोड ९९ लाख रुपैयाँले कमी हो।
गत आर्थिक वर्षको सोही अवधिमा फाइनान्सले १४ करोड ३३ लाख रुपैयाँ खुद नाफा आर्जन गरेको थियो। ९६ करोड ५३ लाख रुपैयाँ चुक्ता पूँजी रहेको यस फाईनान्सको जगेडा कोषमा ३७ करोड ७४ लाख रुपैयाँ र शेयरधनीकोषमा २ करोड ८९ लाख रुपैयाँ सञ्चित छ।
पुस मसान्तसम्ममा ७ अर्ब ८९ करोड ५३ लाख रुपैयाँ निक्षेप संकलन गरेको फाइनान्सले ५ अर्ब ८३ करोड ४० लाख रुपैयाँ बराबर कर्जा परिचालन गरेको छ।
समीक्षा अवधिसम्ममा फाईनान्सले १९ करोड ३३ लाख रुपैयाँ ब्याज आम्दानी गरेको छ। यो गत आर्थिक वर्षको यसै अवधिको तुलनामा ३५ लाख रुपैयाँ कम हो। गत आर्थिक वर्षको पुस मसान्तसम्ममा फाईनान्सले १९ करोड ६९ लाख रुपैयाँ खुद ब्याज आम्दानी गरेको थियो।
समीक्षा अवधिसम्ममा फाईनान्सको निष्कृय कर्जा अनुपात ३ दशमलव ०१ प्रतिशत रहेको छ। फाईनान्सको प्रतिशेयर आम्दानी २३ रुपैयाँ ४९ पैसा छ भने प्रतिशेयर नेटवर्थ १४२ रुपैयाँ १० पैसा रहेको छ।
