काठमाडौँ । नेपाल बङ्गलादेश बैंक लिमिटेडले चालु आर्थिक वर्ष २०७७/७८ को दोस्रो त्रैमासको वित्तीय विवरण सार्वजनिक गरेको छ ।
बैकले चालु आर्थिक वर्षको दोस्रो त्रैमाससम्म आइपुग्दा ९४ करोड १२ लाख रुपैयाँ खुद नाफा आर्जन गर्न सफल भएको छ । गत वर्षको सोही अवधिको तुलनामा बैंकको नाफा १६ दशमलव ५२ प्रतिशतले बढी हो । गत आर्थिक वर्षको यसै अवधिमा बैंकले ८० करोड ७७ लाख रुपैयाँ खुद नाफा आर्जन गरेको थियो ।
समिक्षा अवधिसम्ममा बैंकको चुक्ता पूँजी ८ अर्ब ४९ करोड ५८ लाख रुपैयाँ, जगेडा कोषमा ४ अर्ब ४६ करोड रुपैयाँ संचिती रहेको छ ।
दोस्रो त्रैमाससम्म आइपुग्दा बैंकले १ अर्ब २४ करोड ६६ लाख रुपैयाँ खुद व्याज आम्दानी गरेको छ । बैंकले १ अर्ब ३३ करोड ९० लाख रुपैयाँ सञ्चालन मुनाफा गरेको छ । उक्त मुनाफा रकम गत वर्षको सोही अवधिको तुलनामा १८ दशमलव ८९ प्रतिशतले बढी हो ।
यस अवधिसम्ममा प्रतिशेयर आम्दानी २२ रुपैयाँ १६ पैसा र प्रतिशेयर नेटवर्थ १६५ रुपैयाँ ५० पैसा रहेको छ ।
