काठमाडौँ । मिर्मिरे लघुवित्त वित्तीय संस्था लिमिटेडले चालु आर्थिक वर्ष २०७७र७८ को दोस्रो त्रैमासको वित्तीय विवरण सार्वजनिक गरेको छ ।
चालु आर्थिक वर्षको दोस्रो त्रैमाससम्म आइपुग्दा संस्थाले ७ करोड ५१ लाख ४१ हजार रुपैयाँ खुद नाफा आर्जन गर्न सफल भएको छ । गत आर्थिक वर्षको सोही अवधिको तुलनामा संस्थाको नाफा ८८ दशमलव ७७ प्रतिशतले बढी हो । गत आर्थिक वर्षको यसै अवधिमा संस्थाले ३ करोड ९८ लाख ४ हजार रुपैयाँ खुद नाफा आर्जन गरेको थियो ।
संस्थाको चुक्ता पूँजी ३९ करोड ८६ लाख २६ हजार रुपैयाँ, जगेडा कोषमा २० करोड ५४ लाख रुपैयाँ संचिती रहेको छ ।
यस अवधिसम्म आइपुग्दा संस्थाले १७ करोड ९२ लाख रुपैयाँ खुद व्याज आम्दानी गरेको छ । गत वर्षको यसै अवधिको तुलनामा ७३ दशमलव १८ प्रतिशतले बढी हो । गत आर्थिक वर्षको यसै अवधिमा संस्थाले १० करोड ३५ लाख रुपैयाँ खुद व्याज आम्दानी गरेको थियो ।
यस अवधिसम्ममा संस्थाले ११ करोड ९२ लाख रुपैयाँ सञ्चालन मुनाफा गरेको छ । गत वर्षको यसै अवधिको तुलनामा १२० दशमलव ८६ प्रतिशतले बढी हो । गत आर्थिक वर्षको यसै अवधिमा संस्थाले ५ करोड ४० लाख रूपैयाँ सञ्चालन मुनाफा गरेको थियो ।
संस्थाको यस अवधिसम्ममा प्रतिशेयर आम्दानी ३७ रुपैयाँ ९४ पैसा र प्रतिशेयर नेटवर्थ १५१ रुपैयाँ ५५ पैसा रहेको छ ।
