काठमाडौं । मिर्मिरे लघुवित्त वित्तीय संस्था लि।को क्षेत्रीय कार्यालय बौनिया कैलालीको आयोजनामा प्रदेश नं ५, ६ र ७ का शाखा प्रमुखहरुलाई एक दिवसीय प्रभावकारी शाखा व्यवस्थापन तालिम सम्पन्न भएको छ ।
कार्यक्रममा संस्थाका नायब प्रमुख कार्यकारी अधिकृत राजेन्द्र प्रसाद न्यौपानेले प्रभावकारी कार्यसंचालनमा शाखा प्रमुखहरुको भूमिका, बरिष्ठ अधिकृत सुशिल कुमार बुढाले लेखा तथा इम्पावर सफ्टवेयर सम्बन्धि, बरिष्ठ अधिकृत राजेश श्रेष्ठले शाखा तथा जोखिम व्यवस्थापन र सुपरिवेक्षक प्रकाश बहादुर बोगटीले धितो कर्जा लगानी विषयमा सहजिकरण गरेका थिए ।
कार्यक्रमको सहयोगी साझेदार संस्थाको रुपमा मेटलाइफ एलिकोका रितेन्द्र कार्कीले माइक्रो इन्योरेन्सको बारेमा शाखा प्रमुखहरुलाई जानकारी दिएका थिए । उक्त तालिममा ३७ वटा शाखाका प्रमुखहरुको उपस्थिती रहेको थियो ।
