काठमाडौँ । स्वावलम्बन लघुवित्त वित्तीय संस्था लिमिटेडको लाभांश नेपाल राष्ट्र बैंक लिमिटेडले स्वीकृत गरेको छ । बैंकको पुस २७ गते सोमबारको पत्रले स्वीकृति प्रदान गरेको संस्थाले जनाएको छ ।
संस्थाको पुस ३ गते, शुक्रबार बसेको सञ्चालक समितिको बैठकले आर्थिक वर्ष २०७६/७७ को मुनाफाबाट संस्थाका शेयरधनीहरूलाई हाल कायम चुक्ता पुँजीको १९ प्रतिशत बोनस शेयर र १ प्रतिशत नगद (कर प्रयोजनका लागि) गरि कुल २० प्रतिशत लाभांश वितरण गर्ने प्रस्ताव गरेको थियो ।
