काठमाडौं । नेपाल राष्ट्र बैंकले घ वर्गका लघुवित्त वित्तीय संस्थाहरुलाई एकमुष्ट रुपमा प्रदान हुने पुनरकर्जाको लागि आवेदन दिन आग्रह गरेको छ । राष्ट्र बैंकको बैंक तथा वित्तीय संस्था नियमन विभागले पुस २७ देखि माघ १२ गतेसम्म लघुवित्त वित्तीय संस्थालाई आवेदन दिन आग्रह गरेको हो ।
राष्ट्र बैंकले आफ्नो संस्थाको संचालक समितिको निर्णय सहित कार्यविधिमा तोकिएको ढांचामा आवेदन दिन भनेको छ । राष्ट्र बैंकले विभिन्न ६ वटा शर्त पनि तोकेको छ ।
