काठमाडौँ । आरम्भ चौतारी लघुवित्त वित्तीय संस्था लिमिटेडले दुई लघुवित्तलाई प्राप्ती गर्ने मर्जर सम्झौता रद्द गरेको छ । लघुवित्तले सिवाईसी नेपाल लघुवित्त र शालिग्राम लघुवित्तसँग मर्जर सम्झौता गरेकोमा यी तीनै पक्षले मर्जर सम्झौता रद्द गरेका हुन् । मर्जर सम्झौता रद्द भएसँगै आरम्भ चौतारीको शेयर कारोबार फुकुवा भएको छ ।
अब आरम्भ चौतारी लघुवित्तले बनेपामा केन्द्रिय कार्यालय रहेको बिपिडब्लु लघुवित्त र बुटवलमा केन्द्रिय कार्यालय रहेको देउराली लघुवित्त वित्तीय संस्थालाई प्राप्ति गर्ने भएको छ । संस्थाको सञ्चालक स्तरीय मर्जर समितिको सिफारिसमा पुस १० गते उक्त दुई संस्थालाई प्राप्ति गर्ने निर्णय गरेको हो ।
