आर्मी ब्यारेक परिसरमा ग्लोबल आइएमई बैंकको नयाँ एटिएम सेवा शुरु

काठमाडौँ । ग्लोबल आइएमई बैंक लिमिटेडले रोल्पा जिल्लास्थित लिवाङको आर्मी ब्यारेक परिसरमा पनि एटिएम सेवा सुरू गरेको छ । यससँगै बैंकको एटिएम संख्या २४० पुगेको बैंकले जनाएको छ ।

उक्त एटिएम सेवा खड्गदल गन , रोल्पा लिबाङका प्रमुख सेनानी सुधिर के।सी।ले उद्घाटन गरेका हुन् । जिल्लाको सातदोबाटो, खुमेल, बम्रूक लगायतका ग्राहकहरूलाई लक्षित गरी उक्त एटिएम सेवा सञ्चालनमा ल्याइएको बैंकले बताएको छ ।