काठमाडौं । हिमालयन बैंकको २८ औं साधारणसभा आगामी पुस २७ गते हुँदैछ । सो साधारणसभाको लागि भोलि पुस १४ गतेदेखि बैंकले बुक क्लोज मिति तय गरेको छ । सो आधारमा आजसम्म कायम रहेका शेयरधनीहरुले साधारणसभामा भाग लिन तथा बैंकले वितरण गर्ने लाभांश लिन पाउनेछन् ।
बैंकले गत आर्थिक वर्षमा आर्जन गरेको कूल मुनाफाबाट कूल २० प्रतिशत लाभांश दिने घोषणा गरेको छ । बैंकले १४ प्रतिशत बोनस र ६ प्रतिशत नगद गरी कुल २० प्रतिशत लाभांश वितरण गर्ने प्रस्ताव गरेकोले सो लाभांश लिनको लागि आजसम्म शेयर खरिद गर्नुपर्नेछ । बुकक्लोज मितिपछि कारोबार भई शेयर खरिद गरेकाहरुले लाभांश लिन नपाउने व्यवस्था छ ।
