एनआइसी एसीया बैंकको १० प्रतिशत बोनस सुरक्षित गर्न आज अन्तिम दिन

एनआइसी एसिया बैंकको १० प्रतिशत सुरक्षित गर्नेे आज अन्तिम दिन रहेको छ । कम्पनीले पुस चार गते साधारण सभा बोलाउन मंसिर १९ मा बुक क्लोज गर्दैछ । १८ गते सम्म कायम रहेको सेयरधनीले मात्र बोनस सुरक्षित गर्न सक्ने छन् ।

बैंकले कर तिर्न ०.५२६ प्रतिशत नगद लाभांश वितरण गर्ने प्रस्ताव पेश गर्दैछ । एनआइसी एसियाले बोनसमा ८० करोड ३१ लाख ११ हजार ७०० रुपैयाँ र नगद लाभांशमा ४ करोड २२ लाख ६९ हजार ३७ रुपैयाँ खर्च गर्न लागेको हो ।
साधारणसभामा आर्थिक वर्ष २०७४÷७५ को नाफा नोक्सान सम्बन्धी हिसाबकिताबका सम्बन्धमा पनि छलफल हुनेछ । यस्तै, आर्थिक वर्ष २०७५÷७६ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि लगिनेछ ।
हाल एनआइसी एसियाको चुक्ता पुँजी ८ अर्ब ३ करोड ११ लाख १७ हजार रुपैयाँ छ । बोनस वितरणपछि पुँजी ८ अर्ब ८३ करोड ४२ लाख २८ हजार रुपैयाँ पुग्नेछ ।