काठमाडौं, वैशाख १० । राष्ट्रिय वाणिज्य बैंक बदिवास शाखामा कार्यरत सहायक प्रवन्धक जगदिशप्रसाद काफ्ले पक्राउ परेका छन ।
काफ्ले ५० हजार रुपैयाँ घुससहित अख्तियार दुरुपयोग अनुसन्धान आयोगको कार्यालय बर्दिवासको टोलीले कार्यालयबाटै पक्राउ गरेको हो ।
उनले बर्दिवास ९ को रञ्जना गाई फार्मलाई युवा स्वरोजगार कार्यक्रममार्फत १० लाख रुपैयाँ ऋण दिने भन्दै सो को ५ प्रतिशत घुस मागेको अख्तियारले जनाएको छ ।
यसअघि काफ्ले जिल्ला प्रहरी कार्यालय महोत्तरीले बैंकको सेवाग्राहीको खाताबाट नक्कली चेक बनाई बिभिन्न शाखाबाट ४० लाख रुपैयाँ निकालेको आरोपमा समेत पक्राउ परेका थिए ।
