काठमाडौं । नेपालमा आज थप २४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट कुल १ हजार ८३९ जनामा कोरोना संक्रमण परिक्षण गरिएको थियो । जसमध्ये ७६१ जनामा गरिएको आरटीपीसीआर परिक्षणमा १४ जना र १ हजार ७८ जनामा गरिएको एन्टीजेन परिक्षणमा १० जना संक्रमित फेला परेका हुन् । सोहि समय १५ जना भने कोरोना मुक्त भएका छन् ।
आज थपिएका संक्रमितसँगै नेपालमा सक्रिय संक्रमितको संख्या ८८ जना पुगेको छ ।
