काठमाडौं । चालु आर्थिक वर्ष २०८०।८१ को १० महिना वैशाखसम्ममा नेपालमा सञ्चालित वाणिज्य बैंकहरुले ४८ अर्ब ६० करोड रुपैयाँ खुद नाफा कमाएका छन्। नेपाल राष्ट्र बैंकले आज सार्वजनिक गरेको तथ्यांकअनुसार २० वाणिज्य बैंकले उक्त नाफा कमाएका हुन्।
वाणिज्य बैंकमध्ये सर्वाधिक नाफा कमाउनेमा नबिल बैंक रहेको छ। यो बैंकले १० महिनामा ५ अर्ब ४६ करोड रुपैयाँ खुद नाफा कमाएको छ।
त्यस्तै दोस्रोमा ग्लोबल आइएमई बैंकले ४ अर्ब १२ करोड रुपैयाँ खुद नाफा कमाएको छ। तेस्रोमा नेपाल इन्भेस्टमेन्ट मेगा बैंकले ३ अर्ब ७७ करोड रुपैयाँ खुद नाफा आर्जन गरेको छ।
वाणिज्य बैंकमध्ये नेपाल बैंकले सबैभन्दा कम ५९ करोड नाफा कमाएको छ।
