काठमाडौं । हिमालयन बैंकको सवा १३ लाख बढी कित्ता शेयर बिक्रीमा राखिएको छ। विभिन्न संस्थापक शेयरधनीहरुको नाममा रहेको १३ लाख २७ हजार ८६७ कित्ता शेयर बिक्रीमा राखिएको छ।
यो शेयरमा हाललाई विद्यमान संस्थापक शेयरधनीहरुले मात्रै खरिद आवेदन दिन पाउनेछन्। शेयर खरिदका लागि निवेदन दिन ३५ दिनको म्याद दिइएको छ।
तोकिएको समयपछि इच्छुक संस्थापक शेयरधनीले काठमाडौंको कमलादीस्थित बैंकको केन्द्रीय कार्यालयमा रहेको कानुन तथा शेयर विभागमा सम्पर्क गरी निवेदन दिनुपर्नेछ।
तोकिएको समयभित्र संस्थापक शेयरधनीहरुबाट खरिद निवेदन नपरेको खण्डमा अन्य व्यक्ति तथा संस्थालाई शेयर बिक्री खुला गरिने बैंकले जनाएको छ।
