काठमाडौं । पटक–पटक विवादमा पर्दै आएको चाबहिलस्थित ओम अस्पताल तथा रिसर्च सेन्टरमा आज अर्को विवादित घटना भएको छ । हिडेर अस्पताल पुगेकी एक महिलाको उपचारको क्रममा निधन भएपछि मृतकका आफन्तहरुले चर्को विरोध गरेका छन् ।
पत्थरीको अप्रेशन गर्न पुगेकी धादिङको गंगाजमुना गाउँपालिकाकी २९ वर्षीया अनिता गुरूङको पत्थरीको अपरेशन गराउँदा मृत्यु भएको हो ।
उपचारको क्रममा गुरुङको मृत्यु भएपछि आफन्तहरुले चिकित्सकको लापरबाहीले बिरामीको मृत्यु भएको भन्दै विरोध जनाएका छन् । गुरुङ शुक्रवार दिउँसो हिँडेरै अस्पताल पुगेकी थिईन । शनिबार पत्थरी निकाल्न उनको अपरेशन गरिएको थियो । अपरेशन पछि गुरूङको अवस्था सामान्य भएको भन्दै वार्डमा सारिएकोमा राति नै मृत्यु भएको भन्दै मृतकका आफन्तहरुले आक्रोस व्यक्त गरिरहेका छन् ।
