काठमाण्डाैं । जापानी माेटरसाइकल उत्पादक कम्पनी होण्डाले भारतीय बजारमा आगामी वर्ष विद्युतीय माेटरसाइकल उत्पादन सार्वजनिक गर्ने भएकाे छ। प्रतिस्पर्धी माेटरसाइकल उत्पादक भारतीय कम्पनी हिराे माेटर्सले विद्युतीय स्कुटर सार्वजनिक गरेकाे छ महिना पछि हाेण्डा माेटर्स इण्डियाले पनि विद्युतीय स्कुटर उत्पादनकाे घाेषणा गरेकाे हाे ।
हाेण्डा माेटर्स इण्डियाले आफ्नो विद्युतीय माेटरसाइकल उत्पादनका लागी तीब्र गतिमा तयारी भइरहेकाे घाेषणा गरेकाे छ । आकर्षक बनावट, माेबाइल चार्जर, अधिक तेज बत्ती, तीब्र गतिमा आरामदायी यात्रा गर्न सकिने र फेर्न मिल्ने ब्याट्रीकाे साथमा विभिन्न प्रकारका बिजुलीका दुई पाङ्ग्रे सवारी साधन आगामी वर्षसम्ममा बजारमा ल्याउने गत बुधबार औपचारिक घाेषणा गरेकाे हाे ।
विद्युतीय माेटरसाइकल उत्पादनका लागी दक्षिण भारतीय कर्णाटक राज्यकाे नरसापुरा प्लान्टलाई पूर्णरुपमा समर्पित गरिएकाे हाेण्डा इण्डियाले प्रेस विज्ञप्तीमार्फत् घाेषणा गरेकाे छ। साथै देशभर ६ हजार वटा माेटरसाइकल ब्याट्री चार्ज स्टेशन समेत स्थापना गर्ने घाेषणा गरेकाे छ। सन् २०३० सम्ममा वार्षिक १० लाख विद्युतीय माेटरसाइकल उत्पादन गर्ने लक्ष्य रहेकाे छ।
