काठमाण्डौं । संसद सेवा दिवसको अवसरमा हाजिरी जवाफ प्रतियोगिता संचालनको लागी संघीय संसद सचिवालयका कर्मचारीले पदीय दुरुपयोग गर्दै चन्दा असुली अभियान संचालन गरेका छन् ।
मंसिर २६ गते संचालन हुने प्रतियोगिताको लागी सचिवालयका सहसचिव इन्द्रविलास पौडेलले वाणिज्य बैंकका प्रमुख कार्यकारी अधिकृतहरुलाई पत्र लेखेर चन्दा सहयोग उपलब्ध गराउन अनुरोध गरेका हुन् ।
सिद्धार्थ बैंकका प्रमुख कार्यकारी अधिकृतलाई सम्बोधन गर्दै मंसिर १५ मा जारी गरिएको पत्रमा सहयोगवापतको रकम हाजिरी जवाफ प्रतियोगिता उपसमितिका सदस्य करण बहादुर भाटको व्यक्तिगत खातामा जम्मा गरिदिनको लागी पौडेलले अनुरोध गरेका छन् ।
