काठमाडौं । हाइड्रोइलेक्ट्रोसिटि इन्भेष्टमेन्ट एण्ड डेभलपमेन्ट कम्पनी लिमिटेडले अवितरित हकप्रद शेयर लिलाम बढाबढ गरी विक्री गर्ने भएको छ । कम्पनीले असोज ७ गतेदेखि उक्त शेयर विक्री गर्न लागेको हो । ईच्छुकले असोज ७ गतेदेखि असोज १४ गते कार्यालय समयभित्र शिलबन्दी बोलपत्र पेश गर्नुपर्नेछ। एचआईडिसीएल ले साउन ४ गतेदेखि बिक्री खुला गरेको अवितरित हकप्रद शेयरमा माग गरिए जति आवेदन नपरेकाले अहिले लिलाम बढाबढ मार्फत बिक्रि गर्न लागेको हो।
एचआईडिसीएलले संस्थापक तर्फ ३ करो ३० लाख कित्ता र सर्वसाधारण समुहतर्फ ३२ लाख २९ हजार ७२४ कित्ता शेयर लिलाम बढाबढ मार्फत विक्री गर्न लागेको हो ।
आवेदन दिंदा न्युनतम १०० कित्ता र अधिकतम पुरै कित्ताको लागि आवेदन दिन सकिने छ । यी शेयरको न्युनतम मूल्य १०० तोकिएकोले सो भन्दा बढी रकम कबुल गरेर आवेदन दिनु पर्ने छ । सबै भन्दा बढी रकम कबुल गर्नेले शेयर पाउने छन् ।
शेयर लिलामीको लागि बिक्रि प्रबन्धकमा ग्लोबल आइएमई क्यापिटल रहेको छ। लिलामीको शेयरमा ग्लोबल आइएमई क्यापिटलको कार्यालय, नक्साल, काठमान्डू, ग्लोबल आइएमई बैंकका तोकिएका शाखा कार्यालयबाट आवेदन दिन सकिने छ।
