नेपाल धितोपत्र बोर्डले लगानीकर्ताको लागी स्थायी लेखा नम्बर अनिवार्य गराउँने बिषयमा सरकारको सम्बन्धित निकायलाई जानकारी दिने बताएको छ । आईतबार सबै लगानीकर्ताहरु स्थायी लेखा नम्बर कार्यन्वयनको बिषयमा ज्ञापन पत्र बुझाउँन बोर्डमा पुगेपछि बोर्डले उक्त बिषयमा सरोकारवाला निकायलाई जानकारी गराईने बताएको हो ।
बोर्डले आईतबार एक प्रेस विज्ञप्ती जारी गर्दे सरकारको चालु आवको नीति तथा कार्यक्रममा कार्यन्वयन गर्ने क्रममा स्थायी लेखा नम्बर लागू गर्न नेपाल स्टक एक्सचेञ्ज र सिडिएससीलाई निर्देशन दिईएको बताएको छ ।तर, स्थायी लेखा नम्बर कार्यन्वयन गर्ने बिषयमा लगानीकर्ता आन्दोलीत भएपछि नेप्से पछी हटेको हो ।
त्यसैले बोर्डले यस बिषयमा बजारका सम्बद्ध पक्षसँग छलफल गरी कार्यन्वयन गर्ने पक्षमा रहेको बताएको छ ।साथै स्थायी लेखा नम्बरका बिषयमा नकारात्मक भ्रम नपर्न बोर्डले अनुरोध गरको छ ।
