काठमाडौं । ओरिएन्टल इन्स्योरेन्सले आफ्नो स्थापना दिवस अवसरमा आउँदो बिहीबार रक्तदान शिविर आयोजना गर्न लागेको छ।
कम्पनीले आफ्नो ७८ औँ स्थापना दिवसका अवसरमा रक्तदान शिविर आयोजना गर्न लागेको हो। मानवताका लागि यो शिविर आयोजना गर्न लागिएको कम्पनीले जनाएको छ।
शिविर काठमाडौंको डिल्लीबजार चारखालस्थित सनराइज बिजपार्कमा हुनेछ। बिहान १०ः३० बजेदेखि दिउँसो १ बजेसम्म शिविर सञ्चालन हुने कम्पनीले जनाएको छ।
कम्पनीले इच्छुक सबैलाई शिविरमा सहभागी हुन र कसैको जीवन रक्षामा मूल्यवान व्यक्ति बन्न आग्रह गरेको छ।
कम्पनीको स्थापना दिवस सेप्टेम्बर १२ मा पर्छ।
