काठमाडौं । सोल्टी होटल लिमिटेडको शेयर मूल्य समायोजन भएको छ । कम्पनीले साधारण सभा तथा लाभांश प्रयोजनका लागि बुक क्लोज गरेसँगै नेप्सेले कम्पनीको प्रस्तावित ५ प्रतिशत बोनश शेयरपछिको मूल्य समायोजन गरेको हो ।
कम्पनीको बुधवार कायम अन्तिम शेयर मूल्य २२६ रुपैयाँको आधारमा नेप्सेले ५ प्रतिशत बोनश शेयरपछिको मूल्य २१५ रुपैयाँ २४ पैसा कायम गरेको छ । भोलि बिहीवार कम्पनीको समायोजनपछिको मूल्यको आधारमा शेयर कारोबार खुला हुनेछ ।
कम्पनीले गत आर्थिक वर्ष ०७८/७९ को मुनाफाबाट ५ प्रतिशत बोनश शेयरसँगै २१ दशमलव ३२ प्रतिशत करसमेत नगद लाभांश वितरणको प्रस्ताव गरेको छ । प्रस्तावित लाभांश सहितका अन्य विविध प्रस्ताव पारितका लागि कम्पनीले पुस २८ गते ४८औं वार्षिक साधारण सभा गर्दैछ ।
