काठमाडौं । सुपर माई हाइड्रोपावर लिमिटेडले आयोजना प्रभावित स्थानीय र विदेशमा रहेका नेपाली श्रमिकलाई निष्काशन गरेको आइपीओ बाँडफाँड गरेको छ । बिक्रि प्रबन्धक सानिमा क्यापिटलले मंगलबार शेयर बाँडफाँड गरेको जनाएको छ ।
कम्पनीले इलाम जिल्लाका आयोजना प्रभावित स्थानीयलाई ५ लाख कित्ता शेयर र श्रम स्वीकृति लिई विदेशमा कार्यरत नेपाली श्रमिकलाई ५० हजार कित्ता आइपीओ निष्काशन गरेको थियो । आइपीओको नतिजा क्यापिटलको वेबसाइटमा हेर्न सकिने कम्पनीले जनाएको छ ।
क्यापिटलले आइपीओमा नपरेको पैसा लगानीकर्ताले आवेदन दिंदा उल्लेख गरेको बैंक खातामा फिर्ता गरिने जनाएको छ । बैंक मर्ज भएर खाता नम्बर परिनर्तन भएको खण्डमा जानकारी दिन क्यापिटलले जनाएको छ ।
