काठमाडौं । नेपाली बजारमा आज सुनको मूल्य हालसम्मकै उच्च भएको छ । विहिबार तोलामा १ लाख १२ हजार ५ सय रुपैयाँमा कारोबार भएको छापावाला सुन एकैदिन ८ सय रुपैयाँले बृद्धि भई प्रति तोला १ लाख १३ हजार ३ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
यसैगरी आज तेजावी सुन प्रति तोला १ लाख १२ हजार ७५० रुपैयाँमा कारोबार भइरहेको छ । साथै आज चाँदी तोलामा एकैदिन २५ रुपैयाँले बृद्धि भई प्रति तोला १ हजार ४३५ रुपैयाँमा कारोबार भइरहेको महासंघले जनाएको छ ।
