काठमाडौं । सिन्धु ज्वाला हाइड्रोपावर लिमिटेडले आफ्नो पाँचौं वार्षिक साधारण सभा कात्तिक २५ गते गर्ने भएको छ । कम्पनीको असोज २८ गते बसेको सञ्चालक समितीको बैठकले साधारण सभा गर्ने निर्णय गरेको हो । सभा कुन्दालिनी दरबार ब्याक्वेट शङ्खपार्क काठमाडौंमा दिनको ११ः३० बजे शुरु हुने जनाएको छ ।
सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र आव २०७८/७९ को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पारित गर्नेछ ।
त्यसैगरी कम्पनीमा रहेका जगेडा शेयर संस्थापक शेयरधनी तथा अन्य नयाँ लगानीकर्ताहरुलाई विक्री गर्न सञ्चालक समितीलाई अख्तियारी प्रदान गर्ने प्रस्ताव पनि पारित गर्नेछ ।
