काठमाडौं । सिनर्जी पावर डेभलपमेन्ट लिमिटेडले फागुन ४ गते बोलाएको विशेष साधारण सभा रद्द गरेको छ । कम्पनीले ५० प्रतिशत हकप्रद शेयर निष्काशनको प्रस्ताव पारितका लागि विशेष साधारण सभा बोलाएको थियो ।
हकप्रद निष्काशनको प्रस्ताव १५औं वार्षिक साधारण सभाबाट पारित भइसकेको अवस्थामा विशेष साधारण सभाबाट पारित गर्नुनपर्ने भएकाले कम्पनीको माघ २७ गतेको सञ्चालन समितिको बैठकले सभा रद्द गर्ने निर्णय गरेको हो ।
कम्पनीले विशेष साधारण सभामार्फत जारी पूँजी वृद्धि गर्ने, प्रबन्धपत्र संशोधन गर्ने र प्रबन्धपत्र संशोधनका लागि आवश्यक सम्पूर्ण काम गर्ने जिम्मेवारी सञ्चालक समितिलाई दिने कार्यक्रम तय गरेको थियो ।
हाल कम्पनीको चुक्ता पूँजी ८० करोड ६५ लाख ७५ हजार रहेको छ । विद्युत नियमन आयोगबाट कम्पनीले ५० प्रतिशत हकप्रद शेयर निष्काशनका लागि माघ १२ गते स्वीकृति प्रदान गरेको थियो ।
