काठमाडौं । सिंहदरबारको फोहोर उठाउन काठमाडौं महानगरलाई सर्वोच्चले आदेश दिएको छ । काठमाडौं महानरपालिकाका प्रमुख (मेयर) बालेन्द्र शाहले सिंहदरबार भित्रका फोहोर संकलन नगर्ने अडान लिएपछि सर्वोच्च अदालतले सिंहदरबारका फोहोर उठाउन आदेश दिएको हो ।
आज न्यायाधीश प्रकाशमान सिंह राउतको इजलासले सिंहदरबार, राष्ट्रपति कार्यालयको फोहोर उठाउन काठमाडौं महानगरलाई आदेश दिएको हो ।अधिवक्ता पदमबहादुर श्रेष्ठले मेयर बालेनले सिंहदरबारको फोहोर नउठाउने अडान लिएपछि महानगरविरुद्ध रिट दायर गरेका थिए ।
