काठमाडौं । सप्तकोशी डेभलपमेन्ट बैंकले १ लाख ८९ हजार ५५१ कित्ता संस्थापक शेयर विक्री गर्ने भएको छ । उक्त शेयरमा कम्पनीकै संस्थापक शेयरधनीले आवेदन दिन सक्नेछन् ।
शेयरको विक्री मूल्य तोकिएको छैन । उक्त संस्थापक शेयर खरीद गर्न चाहने संस्थापक शेयरधनीले सूचना प्रकाशित भएको मितिले ३५ दिनभित्र आवश्यक कागजातसहित कम्पनीको केन्द्रीय कार्यालय विराटनगर, मोरङमा आवेदन दिन सक्नेछन् ।
उक्त समय अवधिसम्ममा संस्थापक शेयरधनीको आवेदन नपरेमा अन्य व्यक्ति वा संस्थालाई शेयर विक्री गर्ने कम्पनीले जनाएको छ ।
