काठमाडौं । सनराइज बैंकले थप एक शाखारहित बैंकिङ सेवा संचालनमा ल्याएको छ । बैंकले बाँके जिल्लाको जानकी गाउँपालिका वडा न ४ खजुराखुर्दमा आफ्नो ७९ औं शाखारहित बैंकिङ सेवा संचालनमा ल्याएको हो ।
उक्त शाखा रहित बैंकिङ सेवाको उद्घाटन जानकी गाउँपालिकाका अध्यक्ष भुमिसरा धिताल र बैंकका नेपालगंज शाखाका शाखा प्रबन्धक अनिल बज्राचार्यले सयुक्त रुपमा गरे । उक्त शाखा रहित बैंकिङ सेवाका लागि ब्यावसायिक प्रतिनिधिका रुपमा ललिता मिश्रलाई नियुक्त गरेको बैंकले जनाएको छ ।
बैंकले हाल ७९ शाखारहित बैंकिङ सेवा, १३९ वटा शाखा कार्यालय र १५८ एटिएमबाट बैंकिङ सेवा दिँदै आएको छ ।
