काठमाडौं । आज शेयर बजार उकालो लागेको छ । आज बजार ५९ दशमलव ८७ ले बृद्धि हुँदा १९८३ दशमलव ९५ को विन्दुमा कायम भएको छ । आज ३ अर्ब ८८ करोड ४३ लाख ९६ हजार रुपैयाँको शेयर कारोबार हुँदा २०२ कम्पनीको शेयर बढेको छ भने २ कम्पनीको शेयर ओरालो लागेको छ ।
बजार बढेसँगै आज सबैभन्दा धेरै शेयर कारोबार गर्ने कम्पनीमा लक्ष्मि बैंक रहेको छ । बैंकले आज २० करोड ९४ लाख रुपैयाँको शेयर कारोबार गरेको छ भने नेपाल दुरसञ्चार कम्पनीले १४ करोड २ लाख रुपैयाँको शेयर कारोबार गरेको छ ।
साथै आज हिमालयन डिष्टिलरीको १२ करोड १४ लाख रुपैयाँको शेयर कारोबार भएको छ । यसैगरी नबिल बैंक लिमिटेडले ११ करोड ३२ लाख रुपैयाँको शेयर काराबार गरेको छ ।
