काठमाडौं । स्वदेशबाट भागेकी बंगलादेशी पूर्व प्रधानमन्त्री शेख हसिनाले बेलायतमा राजनीतिक शरण चाहेकी छिन् । उनको छोरा समेतको परिवारजन बेलायतमै बसोबास गर्दै आएकाले हसिनाले बेलायतमै शरण लिन चाहेकी छिन् ।
भारतीय अनलाइन समाचार एनडिटिभीका अनुसार बेलायतबाट शरण नपाउँदामा तत्काल उनी भारतमै निर्वासनमा रहने भएकी छिन् । सत्ताविरूद्धको आन्दोलन चर्किएर प्रधानमन्त्री निवासमै आक्रमण हुने भएपछि हसिनाले सोमबार पदबाट राजीनामा दिएर हवाई मार्ग हुँदै भारतमा शरण लिन पुगेकी थिइन् ।
