काठमाडौं । ललितपुर महानगरपालिकाले व्यवसाय दर्ता तथा नविकरण गर्न व्यवसायीहरुलाई आग्रह गरेको छ । महानगरपालिकाले यस महानगरभित्र संचालित भएका कतिपय व्यवसायीहरुले व्यवसाय दर्ता नै नगरी कारोबार गरेको र नविकरण समेत नगरेको पाइएकाले यस सूचना प्रकाशित भएको मितिले ३५ दिनभित्र सम्बन्धीत वडा कार्यालयमा सम्पर्क गरी अनिवार्य रुपमा व्यवसाय दर्ता र नविकरण गर्न आग्रह गरेको छ ।
यस सुचनाको प्रतिकुल हुने गरी व्यवसाय संचालन गरेको पाइएमा प्रचलित कानून अनुसार कारबाही हुने समेत महानगरपालिकाले जनाएको छ । स्थानीय सरकार संचालन ऐन २०७४ र यस महानगरपालिकाको आर्थिक ऐन २०७९ बमोमि ललितपुर महानगरपालिका वडा नं १ देखि २९ भित्र व्यवसाय संचालन गर्नु पुर्व सम्बन्धीत कार्यालयमा अनिवार्य रुपमा दताृ गरी वार्षिक रुपमा नविकरण गर्ने व्यवस्था रहेको छ ।
